Chegan as primeiras cartas

Despois de varias semanas de espera, a curiosidade, a emoción e os nervios non se podían disimular  ao recibir as cartas dos compañeiros e compañeiras dos institutos cos que participamos no Proxecto ARCE.  Comezamos un intercambio epistolar no que a palabra escrita e o seu poder suxerente son prioridade.  Os que se cartean poderán desenvolver a súa competencia comunicativa e as súas habilidades de expresión escrita aproveitando a posibilidade de contar as súas vivencias e pensamentos entre iguais. Establécese unha comunicación auténtica, alonxada de calquera outro exercicio académico.