Moita poesía, pouca diversión !!

O 10 de XUÑO con motivo da entrega dos premios do Certame Literario teremos con nós a María Lado e a Lucía Aldao co seu espectáculo Moita poesía, pouca diversión.

En palabras de Edu Estévez a María Lado "parírona alá por 1979 nun coche da velvet underground nalgún lugar da nada que une a nada do cee que figura oficialmente como lugar de nacemento e santiago de compostela, a gran nada no centro da nada."

Lucía Aldao, nacida na Coruña, no barrio dos Mayos, como a ela lle gusta indicar, comparte con  María Lado o escenario recitando poemas e versionando cancións. Moita poesía, pouca diversión é un título cargado de ironía. O espectáculo, pretende chamar a atención daqueles que miran a poesía de reollo. Para Aldao e  Lado a lectura de poesía non pode ser algo que adormeza ao espectador.

 

Agardamos pois, que chegue o día. Estaremos ben despertos!!!