30/1/12

Con Oriana Méndez


"Continuamos cos obradoiros programados. Este martes, 24 de xaneiro, pola tarde tocoulle o turno aos alumnos de 3º da ESO, os cales tiveron a sorte de compartir o su tempo cunha xoven autora galega, Oriana Méndez, poeta que ten no seu haber  obras como Derradeiras conversas co capitán Kraft e Cero.

Neste obradoiro comprendimos cómo conseguir que un relato breve resulte humorístico. Para iso, Oriana propuxo tres textos nos que había que analizar onde residía o humor (personaxes impropias nun determinado contexto, situacións inverosímiles, etc.). Da análise inicial pasamos á práctica, momento no que os rapaces tiveron que ser capaces de inserir nos ocos dun texto unha serie de termos coa finalidade de acadar un produto humorístico. Fase previa á creación literaria individual.


Despois desta sesión, temos que agradecer a colaboración de Oriana, pois fomentou nos alumnos ese espíritu  analítico e creador que, dalgún xeito, todos levamos dentro; e que, en definitiva, non é máis cun reflexo da expresión última das nosas reflexións persoais e dos nosos pensamentos." Liliana Piñeiro

     




 

"O martes 24 de xaneiro visitounos Oriana Méndez, una escritora galega que tivo a ben pasar unhas horas con nós para ensinarnos cómo enfeitizar a un lector coas nosas palabras, e máis concretamente, a facelo rir. Mediante unha sinxela, pero moi ben aproveitada proxección, fíxonos pensar na maneira na que os autores de relatos de humor conseguen que apareza  un soriso na nosa face, mostrándonos exemplos de pequenos microrrelatos cos que nos incitou a crear as nosas propias historias.
 
Dende o meu punto de vista persoal esta actividade foi moi constructiva, pois ter a unha escritora, unha tecedora de contos e vidas, soamente para ensinarnos e mostrarnos a maxia dos relatos, foi un auténtico luxo que me encantaría repetir."  Sara Martínez García

No hay comentarios:

Se ha producido un error en este gadget.