26/11/12

"I'll be watching you": perspectiva de xénero


          I’ll be watching you é un proxecto pedagóxico, teatral, lúdico e musical do grupo Chévere, que analiza os valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, a cosificación da muller, os celos como proba de amor, a connivencia coa violencia e o sentimento de propiedade sobre a outra persoa.

        Fala das relacións de igual a igual frente ás que non o son, da autoestima, da necesidade da reacción das propias mulleres para poñer fin á violencia de xénero. 
          
         Yeni, interpretada por Patricia de Lorenzo é a vocalista e Dami, interpretado por Manuel Cebrián, o guitarrista dunha orquestra de pachanga. Veñen ofrecer o típico repertorio versioneando os éxitos do pop actual, esa música coñecida por todo o mundo e supostamente neutral, apolítica. 

      Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.


Verémolos o venres 30 de novembro no Auditorio Emilia Pardo Bazán de Sanxenxo.







1 comentario:

Administrador dijo...

Mi mas sincera enhorabuen por tu blog.

Lo sigo a menudo y me gusta. Trabajo en Coruña y asi estoy informado de las noticias y de o que pasa en mi pueblo.

Gracias y seguir con la labor que haceis con la BIBLIOMANIAAAAA.

PABLO

Se ha producido un error en este gadget.