14/6/08

Espazos lectores


Este fin de semana tiveron lugar en Santiago os primeiros Encontros sobre espazos lectores organizados pola Consellería de Cultuta e Deporte.

Geneviève Patte, asesora de entidades dedicadas á promoción da lectura por todo o mundo inaugurou estas xornadas. Sen medios, só cun cesto de libros escollidos, con afecto e regularidade é posible facer lectores. Insistiu na necesidade dun tempo para compartir as lecturas, da importancia da presenza dos pais, da aprendizaxe da mirada, ¿ que é o que lle fai a un neno amar tanto ese libro? O esencial está en sentir a calidez do libro para podela transmitir.

As bibliotecas escolares estivemos representadas por por Antonio Alonso e Loly Lago que falaron da animación á lectura na web social salientado o dinamismo e traballo colaborativo nas nosas bibliotecas e por X. C. Rábade que amosou a súa satisfacción pola boa acollida do Club lector Entre liñas entre o alumnado do seu centro.

Destacar o traballo de animación á lectura cos máis cativos de Espazo lectura en Gondomar dirixido por Concha Costas, así como as experencias de Carballo, Moaña , Oleiros e os Clubs de lectura de Pontevedra.
Interesante a experencia levada a cabo na Biblioteca de Almeida Garret en Porto arredor dos clubs de lectura coordinados por un comunicador que elixe un tema sobre o que xiran as lecturas.
Carmen Loriga pechou as xornadas dirixíndose ás familias como modelos referentes á hora de facer lectores. O afecto e un tempo adicado a ler cos fillos/as resulta esencial para poder transmitir esa paixón.
Só resta probar e poñer en marcha estas boas prácticas.

2 comentarios:

Antonio Alonso dijo...

Gracias por esa referencia y por una crónica tan completa.
Fue un placer ver cómo desde las bibliotecas escolares se dinamiza mediante esos espacios de lectura tan necesarios. Y de qué manera !!!!

Loly dijo...

Únome ao agradecemento de Antonio. Realmente foi un placer para min poder falar das nosas Bibliotecas Escolares compartindo mesa cunha persoa á que tanto admiro.