As serpes cegas

As serpes cegas  é o libro de Banda Deseñada  que vén de acadar o Premio Nacional de Cómic do Ministerio de Cultura. A  noticia ten para nós un valor engadido ao ser un dos poucos  álbumes editados en galego que ademais forma parte do catálogo de fondos da Biblioteca.

                                                

Felipe Hernández-Cava  e Bartolomé Seguí  sitúannos  entre Nova Iorque e España no ano 1939 a través dun  emigrante que chega a América na procura dun home que incumpriu un pacto. Ao mesmo tempo que contemplamos axustes de contas, refléxanse os sucesos desa  época convulsa  e de  marcado carácter ideolóxico a través de imaxes cunha forte expresividade.

O Premio Nacional de Cómic recaiu o ano anterior en Paco Roca pola súa obra sobre o alzeimer Arrugas que poderás atopar tamén  na Biblioteca.

Calvin & Hobbes: Ler é perigoso.

De Calvin & Hobbes, a divertida tira humorística de Bill Watterson.


Calvin: Linme o libro da biblioteca que me colleches.
Nai: E que che pareceu?
Calvin: Realmente fíxome ver as cousas doutro xeito. Deume moito no que pensar.
Nai: Alégrome que o gozases.
Calvin: Estame complicando a vida. Non me collas ningún máis.