Seguimento dos empréstitos 2012-13

Ofrécese información sobre diversos parámetros do uso que a comunidade educativa deu aos fondos, como por exemplo: cales foron os documentos máis demandados e a evolución do seu uso ao longo do presente curso escolar.

Os documentos máis demandados foron os libros, representando o 87,64% dos empréstitos solicitados, seguido dos audiovisuais cun 9,39%. Os documentos electrónicos tiveron unha demanda do 2,21% e os documentos englobados nos capítulos de documentos sonoros e outros documentos só tiveron unha demanda do 0,75%, realizándose 14 empréstitos destes capítulos en todo o curso.     

Os empréstitos totais de fondos realizados mensualmente reflíctense na seguinte gráfica:

A evolución do empréstito de fondos realizada con respecto a cursos anteriores, segue a ter unha tendencia ascendente. Así o incremento deste curso escolar, con respecto ao pasado, é dun 22,8%. Na gráfica seguinte pódese observar a evolución dos empréstitos totais ao longo dos cinco últimos cursos escolares.

Nesta outra gráfica pode verse tanto a evolución porcentual anual como a acumulada con respecto ó curso inicial de estudo.

O incremento porcentual de empréstitos realizados dende o curso 2008-2009, momento a partir do cal se dispón de datos estatísticos, foi constante curso a curso, acumulándose no curso actual un incremento do 125,98% con respecto a aquel, segundo se pon de manifesto na gráfica.

Sinalar que este incremento no número de empréstitos prodúcese a pesares de que  o número de alumnos/as matriculados no centro ven diminuíndo nos últimos cursos escolares, aínda que no presente curso houbo un pequeno incremento, do 2,33%, sobre o curso anterior. 

Análise realizada por Mª Carmen Parrado.

Balance dos empréstitos no curso 2010/11

      No período comprendido entre os meses de outubro e maio realizáronse un total de 1.251 empréstitos. O que supón un incremento aproximado do 5% sobre o curso anterior. Hai que sinalar que este incremento no número de empréstitos prodúcese a pesares de que:

• O número de alumnos/as matriculados no centro minorou nun 4,3%

• No centro reforzáronse outras actividades de fomento de lectura, achegando libros tanto ao alumnado como ás familias, e que non figuran na base de datos do programa informático. Así temos:

o As mochilas para a hora de ler.
o As maletas viaxeiras
o A sección de autoempréstito para as familias.
o A sección documental específica de aulas.
o  Os “carriños de ida e volta” para as horas de garda.

 Fondos máis solicitados.

        Na gráfica pode observarse que os fondos máis solicitados foron os libros, representando o 87% dos empréstitos seguido dos audiovisuais cun 11%.

A demanda media mensual foi de 158 empréstitos. Os meses nos que se produciron máis empréstitos foron os de novembro e maio, con 209 e 212 respectivamente. Pola contra os meses de menos solicitudes foron os de outubro e marzo, con 123 e 119 solicitudes respectivamente.

Evolución histórica

      A evolución do empréstito de fondos realizada pola Biblioteca do centro, con respecto a cursos anteriores, segue a ter unha tendencia ascendente. Así o incremento deste curso escolar, con respecto ao pasado, é dun 4,95% no acumulado do curso. Na gráfica seguinte pódese observar a evolución dos empréstitos totais ao longo dos tres últimos cursos escolares.

     Esta tendencia ascendente a nivel global tivo tamén o seu reflexo durante os dous primeiros trimestres, durante o período de outubro a febreiro, mentres que no último trimestre os empréstitos realizados mes a mes foron inferiores que no curso anterior, como se pode observar na seguinte gráfica.

Análise e valoración realizada por Mª Carmen Parrado, profesora encargada da xestión da Biblioteca.