Mostrando entradas con la etiqueta Lemosxuntos. Mostrar todas las entradas
Mostrando entradas con la etiqueta Lemosxuntos. Mostrar todas las entradas
4/4/13
Tempo de lectura compartida no Ceip Portonovo
O alumnado de 1ºESO achegouse un ano máis ao CEIP de Portonovo para contarlle contos aos nenos e nenas de 5 anos. Deste xeito celebramos, aínda que con algo de adianto, o día internacional da literatura infantil e xuvenil. Unha xornada inesquecible para tod@s como mostran as imaxes.
 | Cool Slideshows |
1/4/13
Dedicatorias e agasallos (A Florida III )
Como despedida deixamos testimonio escrito escribindo dedicatorias nos medallóns e no conto que queda como símbolo desta celebración na biblioteca de A Florida. Viñémonos con bolígrafos que nos agasallaron, felices, con ganas de seguir escribindo e contando máis historias.
Comprendemos a historia ( A Florida II)
Despois da lectura os "padriños e madriñas" inician un diálogo sobre a historia que os pequenos tratan de plasmar fundamentalmente con debuxos, profundizando deste xeito un pouco máis na trama e nos personaxes do conto lido. Estamos traballando a comprensión lectora.
 |  |
 |  |
 |  |
27/3/13
Momentos de lectura compartida en A Florida (I)
O alumnado de 2º ESO achegouse ata o colexio de A Florida para compartir momentos de lectura cos nenos e as nenas de 1º de Primaria. Lectura a dúas voces, pois os máis pequenos tamén quixeron demostrar que xa saben ler e contar historias. Eles mesmos escolleron este ano aos seus "padriños" e "madriñas", sorprendéndoos cun medallón feito por eles mesmos como recibimento.
O primeiro obxectivo é xenerar a confianza necesaria para entablar unha conversa que permita coñecerse mutuamente para logo poder disfrutar da historia compartida. Con esta actividade preténdese deixar unha fonda impronta no feito de ler xuntos, pero ademais contribuir a desenvolver as relacións interpersoais e o achegamento entre os nenos e nenas de idades diferente.
4/3/13
24/2/13
Canta, meniña gaiteira!!
No prólogo de Cantares gallegos, Rosalía recoñece que escribe “guiada sólo por aqueles cantares, aquelas palabras cariñosas e aqueles xiros nunca olvidados que tan doçemente resoaron nos meus oídos desd’a cuna, e que foran recollidos polo meu corazón como harencia propia.”
A Rosalía de Cantares gallegos podería definirse,en palabras do poeta Carlos Negro, como unha poeta de finísimo oído que reproduce con extrema sensibilidade “tod’aquello en fin que pola súa forma e colorido é dino de ser cantado, todo o que tuvo un eco, unha voz, un runxido por leve que fose, con tal que chegase a conmoverme.”
E así é, porque hoxe, despois de 150 anos de ser escritos, estes versos seguen a conmovernos. Na voz de Estela, Sonia e Juan; Diego e Alba; Andrea, Ana e Celia escoitamos o latexo da palabra rosaliana; tamén na de Renato, que recitou na súa lingua materna, o portugués; igualmente nas voces de Esther, Inés e Moncha, nais que forman parte do club de lectura e que compartiron con nós esta homenaxe. Raúl e Julio presentaron coas propias palabras de Rosalía o acto e Lucía puxo a música da súa flauta travesera como o fío conductor que ía ganduxando os versos.
O noso agradecemento.
19/12/12
Literatura e cine da man!
Compartir nestas datas navideñas lecturas e cine é unha boa maneira de agasallar aos nosos un pouco de tempo en común que nos permita achegarnos a eles co diálogo, á reflexión e á interpretación da historia compartida.
A Biblioteca dispón de varios títulos que van da man.
Achegádevos para facer a vosa elección!
Felices lecturas animadas!!
12/12/12
Doce do doce do dous mil doce con Celso Emilio
No mes de abril tivo lugar en Sanxenxo o I Encontro de lectura e familia Lemosxuntos no que participamos as bibliotecas dos centros de A Florida, Magaláns, Portonovo, o IES de Vilalonga e o noso instituto coa colaboración das ANPAS, as librerías e concellería de Educación e Cultura. Daquela quixemos xa homenaxear ó poeta de Celanova. Nais e pais elexiron poemas de Celso Emilio Ferreiro para recitar a dúas voces cos seus fillos e fillas. O resultado pódese ver neste vídeo editado polas compañeiras de Vilalonga e co queremos sumarnos ao acto colectivo #recitandocelsoemilio o 12/12/12.
28/10/12
I Xornadas "Lendo na casa" en Tui
As familias volveron a estar no punto de mira dos bibliotecarios, sabedores da importancia do seu papel como mediadores na adquisición do hábito lector e no gusto pola lectura.
Un programa de tres días inaugurado polo poeta Antonio García Teijeiro e clausurado por unha mesa redonda integrada pola escritora de Tui, Conchi Regueiro, Concha Costas de Espazo Lectura e Pilar Sampedro da Asesoría de Bibliotecas Escolares de Galicia.
Un exemplo de complicidade e colaboración por unha causa común. Recollendo as palabras do profesor Juan Mata, porque "fomentar a lectura non compete unicamente aos profesionais da educación, tamén nas bibliotecas, nos fogares ou nas rúas xógase a sorte dun lector:"
Parabéns polo tanto, por esta iniciativa e que continúe estendéndose polas distintas vilas e municipios galegos.
Se vos gusta a fotografía e claro está a lectura, podedes participar no seu concurso " Lendo na casa". O prazo remata o 30 de novembro. Máis información no enderezo eléctrónico: biblioteca@concellotui.org
4/5/12
Adpotar un lector/a: lecturas compartidas
"O 2 de abril
celebrouse en todo o mundo o Día Internacional do Libro Infantil. Coma en anos
anteriores os rapaces e rapazas do IES de Sanxenxo, queremos celebrar este día con todos vós léndovos
contos e historias ben fermosas como esta que contaba o mundo enteiro.
Ese conto en realidade non era un só, senón moitos máis que
comezaron a poboar o mundo coas súas historias de nenas desobedientes e lobos
sedutores, de zapatiños de cristal e príncipes namorados, de gatos inxeniosos e
soldadiños de chumbo, de xigantes bonachóns e fábricas de chocolate. Poboárono
de palabras, de intelixencia, de imaxes, de personaxes extraordinarios.
Permitíronlle rir, asombrarse, convivir. Cargárono de significados. E dende
aquela eses contos continuaron multiplicándose para dicirnos mil e unha veces
“Había unha vez un conto que contaba o mundo enteiro…”
Ao ler, ao contar ou ao escoitar contos estamos exercitando a
imaxinación, coma se fose necesario adestrala para mantela en forma. Algún día,
seguramente sen que o saibamos, unha desas historias acudirá ás nosas vidas
para ofrecernos solucións creativas aos obstáculos que se nos presenten no
camiño.
Ao ler, ao contar ou ao escoitar contos en voz alta tamén estamos
repetindo un ritual moi antigo que cumpriu un papel fundamental na historia da
civilización: facer comunidade. Ao redor deses contos reuníronse as culturas,
as épocas e as xeracións para dicirnos que somos un só os xaponeses, os alemáns
e os mexicanos; aqueles que viviron no século XVII e nós que lemos un conto en
Internet; os avós, os pais e os fillos. Os contos énchennos por igual aos seres
humanos, a pesar das nosas enormes diferencias, porque todos somos, no fondo,
os seus protagonistas."
(Adaptación do Manifesto do día 2 de abril. Día Internacional da Literatura infantil 2012 escrito por Francisco Hinojosa)
(Adaptación do Manifesto do día 2 de abril. Día Internacional da Literatura infantil 2012 escrito por Francisco Hinojosa)
18/4/12
Colectivo Flu.or
Da man do colectivo Flu.or chéganos este vídeo que recolle o proceso de elaboración do chamado "gorro de gnomo", que alberga como unha gran campá os libros para que repousen alí debaixo ó seu abrigo e para que todo aquel que por alí se achegue, poida botarlle unha ollada e lelos.
A gran campá, quedarase no Auditorio Emilia Pardo Bazán, ao amparo da Biblioteca municipal para o uso e disfrute de cantos por alí se acheguen. Dona Emilia terá que estar ben contenta! Aqueles tempos nos que ela veraneaba en Sanxenxo disposta a ler os libros daquela biblioteca que descubrira na casa alquilada polos seus pais reflíctense nos tempos de hoxe. O seu exemplo traspasa a porta do Auditorio, que está agora repleto de máis libros e lugares agradables para poder facelo.
16/4/12
As familias no punto de mira
Ao longo de dúas tardes consecutivas o Auditorio Emilia Pardo Bazán reuniu a un público heteroxéneo que gozou arredor da lectura e dos libros. Nenos e nenas xunto coa mocidade dos distintos centros educativos de Sanxenxo, participaron en obradoiros diversos nos que puideron aproximarse ás historias, ás lendas urbanas, á poesía, á linguaxe corporal, ó poder evocador da música... en espazos diferentes a súa aula, onde a creatividade e a sensación de liberdade rompía os límites convencionais.
Queremos destacar a importancia de crear foros como este para poñer en valor o feito de ler. Facer visible a lectura como valor social, que transcende mais alá do acto individual de ler en silencio e para cada un de nós. A lectura tamén se comparte cos outros; falamos tamén dos libros e a partir dos libros. E aí neste diálogo e conversa atoparemos os temas que son en definitiva a vida mesma.
A Biblioteca escolar é un recurso con capacidade para apoiar e colaborar coas familias na formación de usuarios e na dinamización lectora, dando un paso mais alá das colaboracións en aspectos funcionais ou organizativos da mesma, necesarios igualmente.
Como pais e nais é importante tomar conciencia para asumir a nosa responsabilidade como mediadores no proceso do hábito lector. A lectura ademais de ser un eixo do enriquecemento persoal é un instrumento para o fortalecemento dos afectos e das relacións entre as persoas. A lectura, por outra banda convértese na chave para a aprendizaxe e o éxito escolar dos nenos e das nenas.
Estamos vivindo un momento de tránsito. Hoxe lemos dunha forma diferente a cando aprendemos a ler. As lecturas de hoxe non só se realizan con texto senón tamén con hipertexto. Lemos nas pantallas, nos teléfonos … No ámbito familiar é importante o papel que temos como educadores para non ser enganados pola rede. De aí que necesitemos estar alfabetizados nas novas tecnoloxías.
A biblioteca escolar, unha vez máis resulta esencial como fonte de recursos na procura da información e como un recurso que posibilita a igualdade de oportunidades. As bibliotecas públicas e municipais tamén proporcionan estes medios ao alcance dos seus usuarios. Por todo isto xurde a necesidade de apoiarnos e coordinar os nosos esforzos nun proxecto común: LEMOSXUNTOS
Os días 12 e 13 de abril vimos estes esforzos materializados: docentes dos distintos centros educativos do concello, de diferentes niveis educativos poñendo o noso punto de mira máis alá das aulas e do alumno ao que se examina, conscientes da importancia do papel das nais e pais na educación, que tamén estiveron presentes neste proxecto común a través dos seus representantes nas ANPAS e nas lecturas compartidas cos seus fillos e fillas homenaxeando a Celso Emilio Ferreiro no centenario do seu nacemento. A materialización deste encontro de lectura e familias é a suma de distintas entidades vinculados ao mundo do libro e da lectura: bibliotecas escolares e municipais, anpas, librerías, consellería de cultura e educación a través da asesoría de bibliotecas escolares de Galicia, a concellería de educación e cultura do concello de Sanxenxo, e a colaboración de outras entidades como Novagaliciabanco, colectivo Flu.or de A Coruña e moblería Nusco de Sanxenxo.
Xornadas que fixeron da lectura unha práctica féliz co esforzo de todas estas entidades, boa práctica e mostra, porque en palabras do profesor Juan Mata, “no compete unicamente aos profesionais da educación, tamén nas bibliotecas, nos fogares ou nas rúas xógase a sorte dun lector.”
GALERÍA DE IMAXES
NOS OBRADOIROS
NO AUDITORIO
http://aszocasfaladoras.blogspot.com.es/. Inclúe unha recensión da conferencia do profesor
Juan Mata e un fermoso vídeo da xornada do venres 13.
Juan Mata e un fermoso vídeo da xornada do venres 13.
29/3/12
As familias lectoras promoven o éxito escolar
Comunicación presentada no Congreso nacional Familias lectoras en Red celebrado en Granada en xaneiro de 2012.
27/3/12
Non nos mires, participa!
Participa da man
de Kalandraka que achega ata Sanxenxo un obradoiro dirixido
por Ana Abelenda para
as nais e pais que teñen fillas e fillos aos que lles gusta que se lle conten
contos.
Animar a ler en familia ofrece consellos
e estratexias para cantar e contar, para crear o hábito lector nos nenos e
nas nenas dende os primeiros anos de vida, antes de que aprendan a ler,
partindo dende a tradición oral e musical galega, ata chegar ó álbum ilustrado.
"Afondando primeiro nos recursos da oralidade -rimas,
retrousos, cantigas, cantos de berce, xogos co corpo- iremos descubrindo tamén
a importancia das imaxes e das texturas como base para acceder logo aos contos
populares, os contos de creación dos novos autores, e os clásicos
contemporáneos. Faremos un repaso
teórico-práctico dos contos máis idóneos para cada idade, comezando polos
libros duros, os libros de tea ou os despregables."
Ana Abelenda é técnico superior en Educación e forma parte do equipo de animación á lectura de Kalandraka.
Auditorio Emilia Pardo Bazán. 12 abril ás 17:00 h.
Anótate nas bibliotecas ou librerías de Sanxenxo ou envía os teus datos a lemosxuntosanxenxo@gmail.com
Para botar unha ollada aos outros obradoiros, conferencias, contacontos cliquea aquí:
26/3/12
Non nos mires, únete!!
Traio libros
que son o alimento da imaxinación e unha biblioteca que é o restaurante
onde se alimentan as emocións. Tezo árbores atrapadoras de contos,
e atrapo contos e cocíñoos para as nenas e nenos. Anxo
Moure
O carballo con botas existe,
no outono recollemos botas vellas, facémoslles buraquiños, enchémolas de terra
e pousamos dentro delas belotas, castañas.... para empregalas como viveiros
forestais.
Na primavera xorden os carballos (e
castiñeiros, e nogueiras) con botas,que viaxan o longo do ano polas escolas como parte do proxecto de
contos medioambientais, deixando a mensaxe de que dentro do vello, da
destrución, do lixo... pode xurdir a esperanza, a vida, o futuro.
+ info: http://www.contosolidarios.org/
Anxo Moure, o Carballo con botas estará en Sanxenxo o 12 de abril percorrendo rúas e prazas co seu ciclomotor pola mañá e pola tarde no Auditorio Emilia Pardo Bazán impartindo un obradoiro para tod@s os rapaces e rapazas de Sanxenxo dentro do I Encontro Lemos xuntos 2012
Anótate na túa biblioteca ou envía os teus datos a lemosxuntosanxenxo@gmail.com
Para botar unha ollada aos outros obradoiros, conferencias, contacontos cliquea aquí:
21/3/12
De amor e literatura
Xabier P. Docampo recolle
en Catro cartas toda unha declaración
de amor polos libros. Nas epístolas confésalles aos destinatarios o cariño que
sente por eles e a importancia que teñen
as palabras e a literatura nas súas relacións.
Serva de mostra uns fragmentos da
carta ao fillo.
Querido fillo:
( …) Sei que a miña vida durará tanto como eu
perdure no teu recordo. Alí estarei con moi diversas caras e actitudes, e momentos, e... Serei, en fin, un recordo cheo de imaxes.
Pero seguramente a que máis se repetirá
será aquela na que me ves cun libro nas mans. Estamos a ler xuntos.
Xa sei, querido fillo, ás veces poñíame moi
pesado. Como aquel día que che lía unha serie de contos que estaba a escribir. Tiñas catro ou cinco anos e, farto da tortura á
que te estaba sometendo, fuxiches en
busca da túa nai: " Mamá, mamá -berrabas-, que papá quere lerme outro conto e eu non quero! ". Aquela mesma noite
pedíchesme que che contase un conto.
Acórdaste cando liamos cunha técnica que chamabamos "unha bicicleta para dous"? (…)
Por entón ti tiñas dez ou once anos e falabamos
de libros de viaxes. Dixéchesme que che gustaría ler A Odisea,
pero parecíache un libro demasiado gordo. Propúxenche que o lésemos entre
os dous coa técnica da bicicleta. Empezaches ti
e cando deixaches a lectura puxeches entre as
páxinas do libro un papeliño no
que debuxaras unha bicicleta. Fixeras o esforzo de ler o primeiro capítulo completo. Despois empecei eu e adianteite,
puxen o papel coa bicicleta debuxada no
lugar onde parei. Ao día seguinte, antes de que empezases, conteiche todo o que
lle pasara a Telémaco,
entre o lugar no que o deixaras ti, (…)e onde o deixara eu. (…)
Lías cada día un anaquiño pequeno, supoño que te custaba
entendelo. Pero querías que eu lese máis
para que cho fose contando. Non recordo canto tempo tardamos en chegar xuntos a
Itaca facendo o camiño "os dous nunha soa
bicicleta", pero dende logo foi moito e moi feliz. (…)
Xavier P.Docampo. Texto adaptado de Cuatro cartas. Anaya. 2000
19/3/12
Emilia Pardo Bazán: Sanxenxo e a lectura
Solíamos veranear en la
provincia de Pontevedra, en las Rías Bajas, comarca encantadora si las hay en
el país gallego,(…) En tan privilegiado suelo tenemos una posesión vasta y
pintoresca, y una casa solariega muy antigua, la Torre de Miraflores (…); y
mientras se le echaban no sé qué remiendos al desmantelado torreón, alquilamos
una vivienda en Sangenjo, (…), situado al pie de la misma finca. El dueño nos
dejó los muebles, y entre éstos se contaba una BIBLIOTECA que me parece estar
viendo, repartida en desorden por viejos estantes pintados de azul y picados de
polilla. ¡QUÉ HALLAZGO!
Era yo de esos niños que leen
cuanto cae por banda, hasta los cucuruchos de especias y los papeles de
rosquillas; de esos niños que se pasan el día quietecitos en un rincón cuando
se les da un libro, y a veces tienen ojeras y bizcan levemente a causa del
esfuerzo impuesto a un nervio óptico endeble todavía. Obra que cayese en mis
manos y me agradase, la leía cuatro o seis veces y de alguno, señaladamente del
Quijote, se me quedaban en la fresca
memoria capítulos enteros, que recitaba sin omitir punto ni tilde. (…).
Cualquiera me arrancaba de allí. ¡Libros, muchos libros, que yo podía revolver,
hojear, quitar, poner otra vez en el estante!
Texto adaptado de Apuntes autobiográficos. Emilia Pardo
Bazán. 1886
Información aportada pola Casa-Museo Emilia Pardo Bazán de A Coruña
Non é casualidade pois, que quen nos convide a ler no
municipio sexa Emilia Pardo Bazán. Ela, que pasou algúns veráns en Sanxenxo
deixa constancia nestes apuntes autobiográficos da súa paixón polos libros e
a lectura e de cómo descubriu de nena esa biblioteca na casa de aluguer de Miraflores.
Alí mesmo, no pazo de Miraflores, os días 12 e 13 de abril, temos unha cita coa lectura, os contos e dona Emilia Pardo Bazán.
12/3/12
I Encontro Lemos Xuntos en Sanxenxo
Os Equipos das
Bibliotecas Escolares de Sanxenxo do CEIP A Florida, Dorrón,
Portonovo, IES Vilalonga e do IES de Sanxenxo,
en colaboración coa Federación de ANPAS O Con, a Librería Nós veñen promover un primeiro Encontro
de Lectura e Familias ao que se suman os outros equipos de bibliotecas escolares e municipais, ANPAS, libreiros e a Concellería de Educación e Cultura de Sanxenxo. O Encontro terá lugar os días 12 e 13 de abril de 2012 no Auditorio Emilia
Pardo Bazán de Sanxenxo.
Esta proposta
está contextualizada dentro do Plan lector dos centros implicados na
organización, que veñen traballando nesta liña dende anos atrás con actividades
como as “mochilas viaxeiras” para ler e compartir en familia, o autopréstamo ou
os clubs de lectura abertos a toda a comunidade escolar.
Dende as Bibliotecas Escolares pretendemos sensibilizar da importancia da
lectura e do papel dos mediadores. Estamos convencidos que se logramos que a
lectura forme parte das nosas vidas e da do noso alumnado lograremos o
principal obxectivo.
O I Encontro Lemosxuntos pretende
involucrar a toda a comunidade escolar do municipio de Sanxenxo cos seguintes
obxectivos:
a. Promover o gusto pola lectura desde a educación infantil ata a etapa de
Secundaria Obrigatoria.
b. Conseguir un maior nivel de lectura nos nen@s e na mocidade da vila.
c. Implicar no proxecto a todas as entidades do municipio: colexios,
institutos, rede de Bibliotecas Municipais, ANPA, librerías, concello...
d. Lograr un compromiso firme por
parte de toda a sociedade cara á lectura e o desenvolvemento da mesma.
e. Formar cidadáns comprometidos e responsables no seu interese pola
contorna e a cultura partindo da actividade lectora como un medio que lles
posibilita ampliar a súa visión do mundo.
A realización do Encontro conta co apoio da Asesoría de Bibliotecas Escolares Galegas e da Consellería de Cultura, Educación e Ordenación Universitaria.
PROGRAMA DE ACTIVIDADES
Xoves 12
|
||
Mañá
|
Carballo con Botas
|
Percorrido polas rúas e prazas do concello
|
17:00 – 19:00 h.
|
Carballo con Botas
|
Obradoiros
para o alumnado
(1º/2º/
3º Primaria)
|
17:00 – 19:00 h.
|
Charo Pita
|
Obradoiros
para o alumnado
(Primaria/1º
ESO)
|
17:00 – 19:00 h..
|
Ana Abelenda
|
Obradoiro para os pais/nais
Cómo contar contos aos fill@s
|
19:00 h.
|
Entrega de documentación aos matriculad@s nos
Encontros
|
|
20:00 h.
|
Inauguración dos Encontros
|
|
20:10 h.
|
Lemos xuntos:
Celso Emilio Ferreiro
na voz dos pais e nais cos seus fill@s
|
|
20:40 h
|
Mesa redonda: Ler
no século XXI
|
|
21:40 h.
|
Contacontos inglés/galego Charo Pita/ Tim Bowley
|
|
Venres 13
|
||
17:00 – 19:00 h.
|
A Tropa de Trapo
|
Obradoiros para o alumnado
A
viaxe das palabras. (4º/5º/6º Primaria)
|
17:00 – 19:00 h.
|
Clara Gayo
|
Obradoiros para o alumnado (1º ciclo ESO).
O dicionario do corpo. Linguaxe
xestual
|
17:00 – 19:00 h.
|
Proxecto Linguas
no ensino. USC
|
Obradoiros para o alumnado (2º ciclo ESO)
Lonxa poética
|
20:00 h.
|
Conferencia: Juan Mata Anaya, profesor Universidade
de Granada
“Animádeos
a ler! tamén a familia forma lectores. “
|
|
21:00 h.
|
Clausura dos encontros
|
|
21:10 h.
|
Actuación de peche con Cándido Pazó.
|
|
APORTA UN LIBRO e LEVA OUTRO!!
Trae un LIBRO aos ENCONTROS para INTERCAMBIAR por outro LIBRO!!
Escribe
no libro unha dedicatoria para o amigo que o reciba.
Compartimos
lecturas: Lemosxuntos!!!!
|
||
INSCRICIÓN
1º Para os ENCONTROS da noite
1º.Cubriranse
os datos da ficha que vai no medio deste boletín e entregarase na biblioteca
escolar do teu centro ou nas bibliotecas municipais, ANPAS, librerías ou ben pódese remitir ao
enderezo lemosxuntosanxenxo@gmail.com. No asunto do correo poñer encontros da noite. A ficha
de inscrición descárgase en http://lemosxuntosanxenxo.blogspot.com/
2º. Envío de
solicitudes a partir do 15 de marzo do 2012.
Número
de prazas ata completar o aforo.
3º. A inscrición aos encontros das noites permite
recibir documentación e material que será entregado o xoves 12 de 19 a 19:30 h.
no Auditorio.
2º. Para os OBRADOIROS da tarde
A inscrición aos OBRADOIROS farase a través do enderezo electrónico lemosxuntosanxenxo@gmail.com. Prazas limitadas.
Síguenos en
Suscribirse a:
Entradas (Atom)
Entradas
